सुशीला शर्मा(धमला),गजलकार
आमा बुवाको छोराको चाहाना हुँदाहुँदै हामी सात वटी छोरी जन्मियौँ समाजमा बाबा आमाले पाप गरेर श्राप परेको भन्ने बिगबिगी चल्यो । आमा र बाबालाई पनि साँच्चिकै श्राप भन्ने लाग्यो गाँऊको विकटता अनि सात सात जना छोरीको शिक्षा दीक्षाले सधैँ आमा र बाबालाई सताइरहेको थियो । र पनि भगवानको श्राप हो भनेर सहस्र स्वीकार्नु नै थियो ।
यसरी सधै बाबा र आमालाई पीडामा देखेर मलाई साह्रै नराम्रो लाग्थ्यो । म घरमा जेठी छोरी थिएँ । हामी कृषक परिवारमा जन्मेका हुनाले घरको काम सकाएर मात्र सरकारी विद्यालय जान पाउँथ्यौँ। सरकारी स्कुलको सामान्य शिक्षक मेरो बाबा हामी स(साना छोरीहरू लिएर विद्यालय जानुहुन्थो । म र माइली बहिनी भने ठूला थियौँ । हामी दुई दिदीबहिनी अलि टाढाको विद्यालय जान्थ्यौँ । मन खिन्न पार्दै समय कटाउनुहुने मेरा बा(आमालाई हामीले केही खुशी दिन सफल भयौँ । राम्रो पढेका हुनाले हामीलाई पुरै छुटमा विद्यालयले पढाउन थाल्यो । साना बहिनीहरू पनि ठुला हुँदैजाँदा झनै जेहेन्दार बन्दै गएका थिए । तर पनि बा(आमालाई भने वंशको चिन्ता हटेको थिएन । ूए १ तेरा त छोरी छोरी छन् । ठूला भएर सबै अर्काको घर जाने हुन् के गर्छस् पढाएर धेर खर्च नगर्नू ू भन्दै छिमेकी हजुरबुवाहरुले भनेको सुन्दा म अझै दुखी बन्थें १ र मनमा प्रश्न उब्जिन्थ्यो , ूतेसो भए हामी किन जन्मियौ, भगवानले हामी छोरीको किन सृष्टि गर्यो , हामी बिनाको संसार सुन्दर हुने भए किन संरचना गरेन रुू यस्ता अनेकौ प्रश्न मेरो कलिलो मानसपटलमा उब्जिरह्यो । त्यो दिनबाट भगवानको सृष्टिलाई नै चुनौती दिने गरी यो समाजिक संरचना तोड्न मन लाग्यो । आजबाट केही गरेर यो समाजमा परिवर्तनको आभास गराऊनु पर्छ भन्ने सोचेँ मैले ।
उता छिमेकका हजुरबुवा मेरो बाबालाई यी बन्साका बोट अर्कोको जहान पढाएर कुनै ठूलो काम गरिनस् जेठा भन्नुहुन्थ्यो । तर उनै हजुरबुवाका दुवै छोरा बुहारीहरूले नराम्रो गरेर बुढाबुढीलाई छुट्टै छाडेर आ(आफ्नो श्रीमती लिएर बसे । उनीहरूलाई बिरामी पर्दा पनि कोही साथ दिन आएन ।
ईखले मन भित्र नमेटिने ज्वाला बलेर आयो । साँच्चिकै म पढाई र अन्य क्रियाकलापमा म पहिलो हुँदै गए र उच्च शिक्षा प्राप्त गरेँ । बहिनीहरू पनि सबै पढाईमा अब्बल बन्न लागे । सरकारी जागिरमा मेरो नाम निस्कियो । माइली बहिनीले डाक्टर पढ्न पुरै छुटमा नाम निकाली । अरू बहिनीहरू पनि कुनै ईन्जिनियर बने कुनैले बैङ्कमा नाम निकाले । यसरी सबैजना हामी सरकारी जागिरमा आफ्नो भविष्यको रेखा कोरेर अगाडि बढ्यौ । बाबा(आमामा छुट्टै खुशीको अनुभूति भयो । गाँऊले सबैले हाम्रो उदारहण दिन लागे । ूसाँच्चिकै छोरी हुन त यस्ता हुन् स फलानाका छोरीहररूमा न कुनै लपन छपन न त कसैलाई नराम्रो ब्याबहार साँच्चिकैका देवीको स्वरुप हुन् । मेहनती , ममताका खानी , माइती र पराई घर दुवैको अनुपम सुन्दरताका खानी ू भनेर तारिफ गर्न लागे । हामी सात जना छोरी मिलेर बाबा आमालाई काम सघाउने एउटा साथी राखिदियौँ र बराबर पैसा खातामा जम्मा गरिदियौँ । बाबा आमाले पनि हाम्रा छोरीहरु प्रत्येक्ष भगवानका रूप रहेछन् किन छोराको चाह गरियो भन्दै आफैंलाई धिक्कार्नुभयो । र अन्त्यमा पनि समाजमा छोराको वंश धान्ने परम्परा तोड्दै बाबा र आमाको दाहसंस्कार हामी सातवटी छोरी मिलेर गर्यौ ।
अन्तिम अपडेट : २०७७ पौष १२ गते ०८:५२ बजे
Comments