मेष राशि : चु, चे, चो, ला, लि, लु, ले, लो, अ

बुद्धिको उपयोगले लक्ष्य पहिल्याउन सकिनेछ । बोलीको भरमा कार्य सम्पादन हुनेछ ।नयाँ उद्योग वा रचनात्मक काममा जुट्ने समय छ ।

बृष राशि : इ, उ, ए, ओ, वा, वि, वु, वे, वो

आज काम देखाएर अरूको मन लोभ्याउन सकिनेछ । महिला वा मित्रबाट विशेष साथ र सहयोग मिल्नेछ । आकस्मिक धन लाभ पनि हुनेछ ।

मिथुन राशि : का, कि, कु, घ, ङ, छ, के, को, हा

आज आफ्नै दक्षतामा विभिन्न कार्यहरू सम्पन्न हुनेछन् । साहित्यिक क्षेत्रमा रूचि बढ्नेछ । पारिवारिक साथ, प्रेम, सद्भाव र स्नेह बढ्नेछ ।

कर्कट राशि : हि, हु, हे, हो, डा, डि, डु, डे, डो

शुभ समाचार सुन्न पाइनेछ । महिला वा मित्रबाट विशेष सहयोग मिल्नेछ । आफ्नो क्षेत्रमा प्रभुत्व जमाउन सकिनेछ । घरमा अतिथिको आगमन हुनेछ ।

सिंह राशि : मा, मि, मु, मे, मो, टा, टि, टु, टे

आत्मिक सन्तुष्टि मिल्नेछ । एउटै कामबाट दोहोरो लाभ मिल्नेछ । व्यावसायिक काममा राम्रै फड्को मार्न सकिनेछ । तीर्थाटनको योग पनि छ ।

कन्या राशि : टो, पा, पि, पु, ष, ण, ठ, पे, पो

गरेको काममा ढिलासुस्ती हुनेछ दबाब र तनाव बढेको महसुस हुनेछ । पारिवारिक समस्या आइपर्ला । विचार गरेर निर्णय लिनु उचित होला ।

तुला राशि : रा, रि, रु, रे, रो, ता, ति, तु, ते

धर्म कर्म, परोपकार, समाजसेवा जस्ता कार्यमा मन लाग्नेछ । शेयर बजारको लगानीले पछि राम्रो हुनसक्छ । शुभकार्यको चर्चा पनि चल्नेछ ।

बृश्चिक राशि : तो, ना, नि, नु, ने, नो, या, यि, यु

जीवनसाथीको सल्लाहमा गरिएको कार्यमा अधिक सफलता मिल्नेछ । मनमा हर्ष, उमङ्ग र उत्साह छाउनेछ । स्वादिष्ट भोजन पनि पाइनेछ ।

धनु राशि : ये, यो, भा, भि, भु, धा, फा, ढा, भे

नयाँ वस्त्र, अलङ्कारको प्राप्ति हुनेछ । दैनिक कार्यमा प्रगति हुनेछ । रमणीय र सुखद् यात्राको योजना बन्ला, तर शेयर बजारमा नोक्सानी हुनसक्छ ।

मकर राशि : भो,जा,जि,जु,जे,जो,ख,खि,खु,खे,खो,गा,गि

आजको दिन प्रतिकूल समय छ, संयम रहनु होला । बोलीको विपरीत अर्थ लाग्न सक्छ ।जिद्दीपनाले गर्दा काम बिग्रने र प्रेममा मनमुटाव आउला ।

कुम्भ राशि : गु, गे, गो, सा, सि, सु, से, सो, दा

आज इच्छा र आकाङ्क्षा पूर्ण हुनेछन् । ठूला व्यक्तिले तपाईँका मेहनतको प्रशंसा गर्नेछन् । धनार्जनका नयाँ योजना र स्रोतहरू पत्ता लाग्नेछन् ।

मीन राशि : दि, दु, थ, झ, ञ, दे, दो, चा, चि

आज कुनै कुराले मन प्रसन्न रहनेछ । लामो समयदेखि रोकिएका अधुरा कार्यहरू पुरा हुनेछन् । पारिवारिक साथ र सहयोग पनि मिल्नेछ । राशिफल जे जस्तो भएपनि तपाईंको दिन शुभ रहोस् ।  ज्यो.प.नारायणप्रसाद दुलाल