क्योकुशिन सेईसिन काईकान कराँतेका खेलाडी शनि शिंहलाई स्वर्ण पदक

- श्रावण १३, २०८२ मा प्रकाशित

काठमाडौं – श्रीलंकामा आयोजना भएको साउथ एसियन स्तरिय २५ औं अन्तर्राष्ट्रिय फुलकन्ट्याक्टमा नेपाल क्योकुशिन सेईसिन काईकान कराँते संघबाट सहभागी भएका खेलाडी शनि शिंहले स्वर्ण पदक हाँसिल गरेका छन् । उक्त प्रतियोगितामा श्रीलंकाली खेलाडीलाई २ राउन्ड ड्र भएर तेस्रोपटकको भिडन्तमा नेपाली खेलाडी शिंहले स्वर्ण पदक हात पार्न सफल भएका हुन् ।

नेपाल क्योकुशिन सेईसिन काईकान कराँते संघका अध्यक्ष तथा नेपाल प्रमुख शिहान अशोक कुमार श्रेष्ठको नेतृत्वमा सहभागी भएको उक्त प्रतियोगिताकामा अफिसियलमा प्रशिक्षकद्वय रामशरण राणा र सम्पूर्ण महर्जन रहेका थ्रिए । त्यस्तै खेलाडीमा शनि शिंहले सहभागीता जनाएका थिए ।

उक्त प्रतियोगिताका सहभागी देशहरुमा नेपाल, भारत, बंगलादेश र श्रीलंका रहेका थिए। प्रमुख अतिथिमा वल्ड कमिटी फेडेरेसनका उपाध्यक्ष तथा वल्ड व्यकोरिन काईकान कराँते संघका अध्यक्ष काञ्चो सोशी सुगिहरा रहेका थिए । उक्त प्रतियोगिताको आयोजना भने शिहान लक्मल फोनेस्काले गरेको थियो । प्रतियोगिताको क्षण संस्था र देशकै लागि गौरवको विषय रहेको नेपाल च्याप्टर अध्यक्ष अशोक श्रेष्ठले बताएका छन् ।