•  ७ आश्विन २०८३, बुधबार
English

ओखलढुंगाको मानेभञ्ज्याङ-७ का स्थानीयले गरे मतदान बहिष्कार,कोही पुगेनन् मतदान स्थल

- फाल्गुन २१, २०८२ मा प्रकाशित

ओखलढुंगा – जिल्लाको मानेभञ्ज्याङ गाउँपालिका वडा नम्बर-७ का स्थानीयले मतदान बहिष्कार गरेका छन् । बिहान १० बजेसम्म कोही पनि मतदाताले मतदान नगरेको जानकारी आएको छ ।

मानेभन्ज्याङ-७ को शहीद स्मृति आधारभूत विद्यालयमा रहेको केन्द्रमा कोही पनि मतदाता मतदानमा सहभागी नभएका हुन् । सो केन्द्रमा मतदान गर्ने मतदाताको संख्या ७ सय १ जना रहेको छ । अहिलेसम्म कोही पनि मतदाता मतदान स्थलमा नपुगेको र कसैले पनि मत नखसालेको बुझिएको छ ।

लामो समयदेखि प्रादेशिक अस्पताल निर्माणको माग सम्बोधन नभएको भन्दै स्थानीय आक्रोशित थिए । उनीहरूले सोही माग पूरा गर्नुपर्ने अन्यथा भोट नमाग्ने भन्दै मतदान बहिष्कार गरेका हुन् ।

Post Views: 292
Comments