जेरो /जेरोङ/जेरुङ शब्द र उच्चारण बीच समस्या होइन ?

कुमार जेरो -जेरो रादु समाजको अध्यक्ष

काठमाण्डौं : वास्तविकतालाई खेदो किन गर्छन् भन्या ? वास्तविकता के हो ? यस्तो प्रश्न उठे पछि केही उत्तर दिनुपर्ने भएपछी किरात जेरो रादु समाज संस्थाको नेतृत्व गरेको हुँदा यहाँ केही कुरा प्रष्ट पार्न कोसिस गरेको छु । जसले मृतक शरीरलाई खोलामा लगेर जलाउछ, जसले अधिकाँश रितिरिवाज हिन्दु धर्म अवलम्बन गर्छ उसले जेरो/जेरोङ समुदायको ज्ञाता आफुलाई ठान्छ कठै विचार मैले नयाँ जोगीको संज्ञा त्यतिकै दिएको नै छैन।

सायद मेरो यो मितिको तथ्य गलत पनि हुनसक्छ यसलाई ठुलो मुद्दा  नबाउन अनुरोध गर्छु शुरुआत नै २०५८ तिर किरात जेरो राई समाज लोकेन्द्र जेरो किराती हाल किरात जेरो रादु समाजको महासचिव ज्यूको नेतृत्वमा त्यसै गरि २०६० तिर हुनुपर्छ श्री जेरो राई सेवा सहयोग समिति सिस्नेरी, ज्ञानु जेरो दाईको नेतृत्वमा जेरोहरुको आफ्नो रितिरिवाज, संस्कार र संस्कृतिको निम्ति काम नगरेको पक्कै होइन तर यो दुबै संस्थाले निरन्तरता दिन नसकेको हो या अरु कुनै कारण हुन्छ के हो मलाई जानकारी भएन या हामीले अर्को २०६४ सालमा अर्को सस्था दर्ता गरेपछि दुबै संस्थाले त्यतिगतिविधी गरेको छैन ।

२०६४ देखि मेरो नेतृत्वमा किरात जेरो रादु समाजको विधि पूर्वक दर्ता गरेर अगाडि बढी रहदा अहिलेको नयाँ जोगिको भेषमा औतार फेर्ने साथीहरू कहाँ थिए जसलाई जेरो/जेरोङको संस्कार संस्कृतिको बढो चिन्ता गरेको देख्छु अनि यसै साथ यी माथी उल्लेख गरेका नेतृत्व मेरो आदरणीय अग्रजहरु प्रति सम्मान र आदर गर्दै आग्रह गर्न चाहान्छु कि तपाईहरुले वर्तमान अवस्थामा नयाँ जोगिहरुले केही पुस्ता यताको पुस्तालाई निमत्यान्न पार्ने गतिविधि भईरहेको अवस्थामा केही समाधान गर्न यहाँहरुको अपेक्षा गरेको छु । 

म एउटा सिङ्गो किरात जेरो/जेरोङको नेतृत्व गरिरहेको नाताले गर्दा पनि । नयाँ रुप धारक ज्यूको रूट/रूट भनी रहदा जिरुङ/जेरोङ/जेरुङ/जेरो हुँदै आएको विधेमान छ किनकि जि र रुङ बाट बनेको रुप नै जिरुङ/जेरोङ/जेरुङ/जेरो भएको हो यो सबैमा दुइमत छैन तर जिरुङ बाट एकैपटक जेरुङ भएको पक्कै होइन पुस्तान्तर हुदै आउदा अपभ्रम्स भएको पक्कै हो स्वीकार पनि गरेको छौ । हामी यो सबै शब्दलाई केलाउने हो भने हामी जिरुङ नै हौ तर कालखण्ड भाषाको विकास पुस्तान्तर हुदै गर्दा आज आईपुग्दा जेरो भएको कसैले नकार्न सकेको अवस्था पनि देखिन्दैन । मेरो मत के हो भने रूटको कुरा नै गर्ने हो भने जिरुङमा पुग्यौं न । न त अनावश्यक बखेडा गरेर आफुलाई जेरोको इतिहासकारको श्रीपेच मात्र लगाउन रहर गरेर हुदैन । 

जेरो/जेरोङ हाम्रो लागि  दुबै शब्द एउटै हो । यहाँ भन्नू नै पर्दा हाम्रो जेरो/जेरोङले जेरुङ होइन जेरोङ भनेर उच्चारण गरिन्छरहुन्छ भने जेरुङ त अंग्रेजी उच्चारण गर्ने जिब्रोको लेवल हो । यस्तै आफुलाई जेरो/जेरोङको इतिहासकार ठान्ने र अंग्रेजी भाषामा पिएचडी गरेको पछि लागेर उनिहरुले भनेको नक्कल गरेर जिब्रो बतारेर जेरुङ भन्ने गरिएको हो । शब्द, भाषा र बोल्ने शैली दिनानुदिन बगिरहेको हुन्छ जस्तो नदिको पानी जस्तै हो यसलाई कसैले रोक्न सक्ने स्थिति र परिस्थिति छैन । त्यसैले यो नै शब्द र उच्चारण यसरी गर्नु पर्छ भन्ने हुदैन भोलि जेरोबाट अर्कै शब्दको विकास अर्थात उच्चारण हुन सक्छ न मैले न त नयाँ रुप वालाले नै रोक्न सक्छ । सक्छ त भावी पुस्ताहरुको हातमा छ हामीले त बाटो देखाउने हो जानू र नजानु जाने व्यक्तिको स्वविवेकमा भरपर्ने कुरा हुन हामीले जे जति बुझौ या बुझ्न सकिनौ सबैले आफुलाई मात्रै होइन सिङ्गो समुदाय प्रति उत्तरदायी बनौ ।

मेरो विनम्र अनुरोध हिजो पनि थियो आज पनि छ शब्द र भावनामा डुबेर होइन वास्तविक यथार्थ सङ्गै सिङ्गो समुदायको भावनालाई नेतृत्व गर्न सक्ने बनौ शब्द उच्चारण मात्रै होइन जेरो -जेरोङको मुख्यत अधिकार के हो त्यसमा सबैलाई सु–सुचित गर्नु हो । 
जय जेरो/जेरोङ जय किरात
लेखक:कुमार जेरो - राजनीतिशास्त्रको विद्यार्थी तथा किरात जेरो रादु समाजको अध्यक्ष

श्रोत : किरात जेरो रादु समाज 
केन्द्रीय अध्यक्ष

Facebook Share Twitter mail

सम्बन्धित समाचारहरू

Comments