काठमाडौँ । उच्च अदालत पाटनले एक पानी कम्पनीमाथि कारबाही तत्काल कार्यान्वयन नगर्न काठमाडौँ महानगरलाई अन्तरिम आदेश दिएको छ ।

सोमबार उच्च अदालत पाटनका मुख्य न्यायाधीश लालबहादुर कुँवर र न्यायाधीश टेकप्रसाद गुरुङको संयुक्त इजलासले ‘पिस स्प्रिङ वाटर प्रालि’लाई २ लाख रुपैयाँ जरिवाना गर्ने र उसको पानी बोक्ने गाडी नियन्त्रणमा लिने महानगरको निर्णय रिटको अन्तिम टुङ्गो नलागेसम्म कार्यान्वयन नगर्न अन्तरिम आदेश दिएको हो ।

काठमाडौं पानी उद्योग संघको मुख्य सहकार्यमा पिस स्प्रीङ वाटर प्रा लि ले दर्ता गरेको रिट निवेदनमा सुनुवाइ गर्दै सोमबार यस्तो आदेश दिएको हो । रिट निवेदक पिस स्प्रीङ वाटर प्रा लिको तर्फबाट वरिष्ठ अधिवक्ता शान्तिराम खतिवडा र अधिवक्ता रोसन सिंहले बहस गरेका थिए । निवेदकले काठमाडौं महानगरपालिकाले पानी बोक्ने हात्ती गाडी समेत नियन्त्रणमा लिएको र अनावश्यक जरिवाना तोकेको भन्दै त्यसलाई रोक्न माग गरेको थियो ।

अदालतले कारबाहीको जानकारी प्रक्रियागत रूपमा निवेदकलाई नदिएको देखिएको भन्दै ‘सुविधा सन्तुलन’का आधारमा यस्तो आदेश जारी गरेको हो । साथै नियन्त्रणमा लिइएको बीसीए ०५३० नम्बरको गाडी फिर्ता दिन पनि भनेको छ । यस्तो अन्तरिम आदेश……