काठमाण्डौं – गोकर्णेश्वर नगरपालिका वडा नम्बर-५ ले आदर्श महिला वैकल्पिक विद्यालयका विद्यार्थीहरुलाई शैक्षिक तथा स्वास्थ्य सामग्री सहयोग गरेको छ । वैकल्पिक विद्यालयमा अध्ययनरत विद्यार्थीहरुलाई नगर प्रवक्ता तथा गोनपा-५ का वडा अध्यक्ष नारायण बहादुर सुवेदीले सहयोग सामग्री हस्तान्तरण गर्नुभयो ।

यसैगरी वैकल्पिक विद्यालयमा अध्ययनरत १०० जना भन्दा बढी विद्यार्थीहरुले नगर प्रवक्ता तथा वडा अध्यक्ष सुवेदीलाई वैकल्पिक विद्यालय र शैक्षिक विकासका लागि गर्नु भएको योगदानको उच्च मुल्यांकन गर्दै खादा र मालाले अभिनन्दन गरेका थिए ।

नगर प्रवक्ता सुवेदीले वैकल्पिक विद्यालयले औपचारिक शिक्षाबाट बञ्चित तथा ज्येष्ठ नागरिकहरुका लागि अध्ययनको व्यवस्था गरेर १८ वर्ष देखि शैक्षिक विकासमा खेलेको भूमिकाको उच्च मूल्यांकन गर्नुहुँदै विद्यालयको विकासका लागि गोकर्णेश्वर नगरपालिका र वडाको तर्फबाट सहयोग निरन्तर गर्ने प्रतिबद्धता व्यक्त राख्नुभएको छ ।