काठमाडौं – गोकर्णेश्वर नगरपालिका–३ मा पर्ने बाटुले सिम ९तारेभिर० खण्डको सडक ढलान कार्य सुरु गरिएको छ । यस सडक खण्ड सुधारका लागि निरन्तर पहल हुँदै आएकोमा बाटुले सिमबाट ढलान शुरु भएको हो । सडक ढलान कार्यका लागि ३ करोड ५३ लाख रुपैयाँको बजेट परेको थियो । यो आयोजना माननीय शान्ती श्रेष्ठको विशेष पहलमा अगाडि बढाइएको हो ।

गोकर्णेश्वर नगरपालिकाका उप प्रमुख सान्नानी लामाले बुधवार सडक ढलान कार्यको अनुगमन गर्नुभएको छ । उप प्रमुख लामाले जनप्रतिनिधिको साथमा अनुगमन गर्नु भएको हो ।

अनुगमनका क्रममा उप प्रमुख सान्नानी लामाले यस सडक ढलान कार्यले स्थानीय बासिन्दाको दैनिकीमा प्रत्यक्ष लाभ पुग्ने बताउनु भयो । प्राकृतिक सुन्दरता, पदयात्रा र स्थानीय संस्कृतिका लागि प्रसिद्ध मानिएको तारेभिरका पर्यटकीय क्षेत्र बाटोकै कारणले ओझेलमा परेका छन् । यस सडकको विकास पछि तारेभीर क्षेत्रका साथै स्थानीय स्तरको पूर्वाधार विकास र नागरिक सुविधामा टेवा पुग्नेछ ।

तारेभिर क्षेत्रका बासिन्दाहरूका लागि यो आयोजनाले राहत दिने अपेक्षा गरिएको छ । यस्तो विकास आयोजनामा स्थानीय नेतृत्वको भूमिका अत्यन्त महत्वपूर्ण हुन्छ ।