मनकामना स्मार्ट लघुवित्त वित्तीय संस्थाको आइपिओ बाँडफाँट कती जानाले पाए त शेयर ?

  • झरना खबर
  • २०७८ आषाढ २८ गते १७:१३ बजे प्रकाशित

काठमाडौं । केही दिन अगाडी मात्र सर्वसाधारणका लागि आइपिओ निस्कासन गरी बीक्री  खुला गरीएको , मनकामना स्मार्ट लघुवित्त वित्तीय संस्थाको आइपिओ  बाँडफाँट गर्ने कार्य समपन्न भएको छ । आज बिहान बिक्री प्रबन्धक एनएमबी क्यापिटलले, क्यापिटलकै कार्यालय काठमाडौं नक्शलमा शेयर बाँडफाँट गरेको हो ।

 संस्थाको आइपिओमा १९ लाख ५४ हजार २७४ जनाले आवेदन दिएका थिए । आवेदन दिएकामध्ये दुई हजार ७५३ जनाको आवेदन रद्द हुँदा १९ लाख ५१ हजार ५२१ जना योग्य आवेदक कायम गरिएको क्यापिटलले जनाएको छ ।

मागभन्दा बढीको आवेदन परेपछि क्यापिटलले योग्य रहेका उक्त आवेदकलाई गोलाप्रथामा सहभागी गराई शेयर बाँडफाँट गरेएको थियो । जसअनुसार गोलाप्रथाबाट ३६ हजार ३४९ जनाले १० कित्ताको दरले शेयर पाएका छन् । तीमध्ये दुई जनाले ११ कित्ता शेयर पाएका छन् । आवेदन दिएकामध्ये १९ लाख १७ हजार बढी आवेदकको हात खाली भएका छन् ।

कम्पनीले रु तीन करोड ८९ लाख बराबरको तीन लाख ८९ हजार ४९२ कित्ता साधारण सेयर बिक्री खुला गराएको थियो । जसमध्ये जारी पूँजीको ०।५ प्रतिशत अर्थात् १९ हजार ४५० कित्ता सेयर सामूहिक लगानीका लागि र छ हजार ५८ कित्ता कम्पनीका कर्मचारीका लागि छुट्याइएको छ ।

बाँकी रहेको तीन लाख ६३ हजार ४९२ कित्ताका लागि सर्वसाधारणले आवेदन दिएका हुन् । आइपिओको नतिजा मेरोसेयर, सिडिएसले आइपिओ नतिजाका लागि तयार पारेको वेबसाइट र बिक्री प्रबन्धक एनएमबी क्यापिटलको वेबसाइटबाट हेर्न सकिने छ ।

Facebook Share Twitter mail

सम्बन्धित समाचारहरू

Comments