युभेन्ट्सको सानदार जित,सर्वाधिक गोलकर्ता बने रोनाल्डो

  • झरना खबर
  • २०७७ फाल्गुण ११ गते १०:५१ बजे प्रकाशित

काठमाण्डौ ः क्रिस्टियानो रोनाल्डोको दुई गोल मद्दतमा युभेन्ट्सले इटालियन सिरी ए मा सहज जित हात पारेको छ ।

सोमबार राति भएको खेलमा रोनाल्डोको दुई र बेस्टन म्याकेनीको एक गोल मद्दतमा युभेन्ट्सले क्रोनटोनलाई ३–० ले हरायो ।

घरेलु मैदानमा भएको खेलको ३८ औं मिनेटमा रोनाल्डोले गोल गर्दै युभेन्ट्सलाई अग्रता दिलाएका थिए । पहिलो हाफको इन्जुरी टाइममा रोनाल्डोले व्यक्तिगत दोस्रो गोल गर्दै युभेन्ट्सको अग्रता दोब्बर पारे ।

दुई गोलपछि यस सिजन सिरी ए मा १८ गोल गरेका रोनाल्डो  सर्वाधिक गोलकर्ताको शीर्ष स्थानमा उक्लिएका छन् ।म्याकेनीले ६६औं मिनेटमा गोल गरेपछि युभेन्ट्सले ३–० को जित हात पारेको हो ।

जितपछि २२ खेलबाट ४५ अंक जोड्दै  युभेन्ट्स लिगको तेस्रो स्थानमा उक्लिएको छ । युभेन्ट्स शीर्ष स्थानको इन्टर मिलानभन्दा अझै ८ अंकले पछि रहेको छ भने दोस्रो स्थानको एसी मिलान भन्दा ४ अंकले पछि छ ।  इन्टर र एसी मिलानले समान २३ खेल खेलेका छन् ।

सम्बन्धित समाचारहरू

Comments